---

呢間Tasty Go真心有驚喜！最估唔到係佢哋嘅甜品師傅嚟自半島酒店甜品部，難怪曲奇同甜品咁高質。

我今次試咗幾樣嘢，首先係開心果杏仁曲奇，鬆脆得嚟堅果味好香，唔會死甜。我鍾意將曲奇沾一沾杯凍美式咖啡，苦甜交融，口感升級！好正！凍美式咖啡夠香濃，唔苦澀，用來沾甜品簡直一流。

日式碎蛋牛角三文治，牛角包酥脆，碎蛋沙律滑溜，口感好豐富。
燒牛肉沙律能量碗，牛肉嫩滑，沙律菜新鮮，配埋特製蕃茄酸甜汁，食完成個人醒神晒。

成餐有半島級甜品，又有輕食能量碗，食得滿足又唔會太有罪惡感。誠意推薦俾想食好西又想keep fit嘅朋友！