澳門地方唔大，但美食密度真係非常高，由街頭小食、人氣甜品，到地道葡國菜都有唔少代表性餐廳。今次整理「澳門一日遊美食清單」，同時附上一條順路美食路線，由早餐一路食到晚餐同甜品。如果時間唔多，又想試幾樣澳門必食美食，可以照住呢個順序慢慢食。
📍澳門一日美食Trip順路路線
新口岸▶️新馬路▶️議事亭前地▶️大三巴▶️氹仔官也街
呢條路線係最常見嘅澳門一日遊行程，景點集中、美食又多，可以一路行一路食。
第一站｜咖啡店：早餐必備回魂啡📍新口岸 / 新馬路
艾奇諾咖啡
由台灣首位三冠王(澳洲國際咖啡烘焙賽 總冠軍)黃柏勲主理，無論咖啡款式同味道都有驚喜。好似金沙葡撻酒拿鐵加咗具澳門特色嘅Licor 35葡撻酒，加埋特製鹹鴨蛋黃奶霜，香味層次同口感有啲似葡撻。想清新啲可以試招牌檸檬咖啡，用咗秘製檸檬糖醬，唔係只加檸檬片喺表面咁簡單。
璃·咖啡 烘焙
咖啡、包類、主食到甜品都有，係一間幾多元化嘅咖啡店。如果早餐細食啲，可以揀牛角包、吐司或三文治。除咗飲基本美式咖啡之外，有機會推介試吓凍葡萄柚咖啡呢類特別口味。
圖：世記咖啡
澳門老字號茶檔，最出名炭燒咖啡!! 咖啡有少少焦香味幾有特色。好多人會配豬扒包或者西多士做早餐，簡單但幾Classic。
圖：第二站｜人氣街頭小食📍 新馬路 / 大三巴
瑪嘉烈蛋撻店
澳門好出名嘅葡撻店之一，酥皮好鬆脆，蛋漿香滑。通常一出爐就好快排長龍，唔少遊客嚟澳門都會專程試吓。
圖：恆友
大三巴附近好多人排隊嘅小食店，咖喱魚蛋同牛雜最出名。醬汁香辣夠味，邊行邊食幾過癮。
圖：第三站｜午餐：地道澳門餐廳📍十月初五街
牛記咖喱美食
人氣咖喱小店，咖喱牛腩同牛雜都幾多人點。咖喱香濃帶少少辣，配飯或者麵都幾惹味。
圖：第四站｜下午茶📍新馬路/大三巴附近
添發碗仔翅美食
福隆新街人氣小食老店主打碗仔翅，門口經常排隊，好多人行完大三巴都會順路過嚟食一碗。招牌海參花膠煲仔翅用瓦煲上枱，湯底濃稠夠味，海參同花膠口感嫩滑，熱辣辣食幾過癮。店內座位唔算多，如果週末去可能要排一陣隊。
圖：第五站｜晚餐：葡國菜📍氹仔
海灣餐廳
氹仔人氣葡國菜餐廳之一，仲攞過米芝蓮推薦。餐廳保留葡式建築風格，磚牆配吊燈幾有異國情調。招牌馬介休球外皮炸到金黃酥脆，入面係薯蓉同鹹香馬介休魚；海鮮飯用料好足，大蝦、青口同蜆仔鋪滿一鍋，味道鮮甜帶少少辣。忌廉蜆都幾多人點，忌廉汁香濃順滑，仲有淡淡白酒香味。
圖：山度士葡式餐廳
餐廳走傳統葡國家庭菜路線，氣氛幾有葡式小餐館感覺。豬耳沙律、燒乳豬同葡式炒蜆都幾多人點，配一杯Sangria水果紅酒真係有度假Feel。座位唔算多，熱門時段建議預先訂枱。
圖：最後一站｜甜品或宵夜📍官也街
澳門大利來記豬扒包
澳門最出名嘅豬扒包之一，麵包外脆內軟、豬扒厚實多汁，好多人行到官也街都會買一個食。
圖：莫義記貓山王
人氣甜品店，以榴槤雪糕同木糠布甸最受歡迎。味道濃郁但唔會太膩。
圖：輕輕鬆鬆食吓飯
安德魯餅店
另一間好出名嘅葡撻店，酥皮層次分明，蛋香味濃。好多遊客會買幾盒當手信。
圖：📍澳門美食一日遊小貼士
| ．官也街同大三巴附近餐廳週末通常比較多人 ．葡國菜餐廳晚餐時段建議預先訂枱 ．小食可以幾個人 Share，一日可以試多幾樣 |
文：Yanica、Cathy
編：Kate
