公司搞春茗。係 Park Lane Hotel 食自助餐。成人價錢係$788加一。個場坐滿人。窗外望到街景。食自助餐個人認為一定要每碟都係原國藉食材。咁先食到原味。Buffet line 有好多美食。果汁自行添加。可以加入台式爆珠。
第一道菜，先飲返個中湯及西湯。中湯美味。但西湯太淡。加多咗水所以淡咗。
第二道菜，西式串燒。焗蟹蓋同串燒蝦都好美味。乳豬好嫩。入口即溶。
第三道菜，烏雞湯及鮑魚煲。烏雞湯好濃湯底。鮑魚煲鮮嫩，彈牙。
第四道菜，中式點心加燒味。螞蟻上樹中規中舉。沒有麻辣味。之前係澳門順德公飯店，造到有順德麻辣味。自助餐有加入花椒油去炒，所以平平無奇。其他點心都好食。
第五道菜，日式壽司，美味可口。
第六道菜，龍蝦。鮮甜，彈牙。
第七道菜，甜點，凍糕好食。水果新鮮。
第八道菜，雪糕，好味。同麥記差不多。
整體評價：約三五知己或一家大細，最好預早訂枱。但如想食生蠔，相信食客失望而回。因為無提供任何生蠔及焗蠔。
