---

今個禮拜日同男朋友去咗澳門，去咗一間有近差唔多70年歷史嘅茶餐廳食，聽聞呢度嘅豬扒包係用炭烘嘅豬仔包，所以就嚟咗試吓。首先講吓環境，其實佢入邊得幾張枱，所以招呼到嘅客人都比較少，同埋坐得有少少迫，不過嘢食真係幾好食都值得嚟試吓。


首先喺度俾個門口大家睇吓：

我哋今次叫咗三款嘢食：


1️⃣招牌豬扒蛋炭烘豬仔包：豬仔包用炭爐烘出嚟，個包特別香。入面塊豬扒醃得幾入味，應該無落咩鬆肉粉都幾厚實（睇圖你真係可以見到），流心煎蛋啲蛋汁流晒出嚟，同豬扒、炭香包夾埋一齊食勁正。我哋係要食完一個之後再加單食第二個！

#澳門美食

2️⃣招牌魚餅出前一丁（一定要加秘製蔥油！）：秘製蔥油啲蔥係深綠色嘅，一睇就知熬咗好耐，極度入味，魚餅好大塊，喺香港都好難搵到呢個價錢食到咁大塊魚餅⋯我覺得下次要轉佢變做撈麵將啲蔥油撈埋落出前一丁度食，每一啖都係蔥香。

#澳門好食

3️⃣熱絲滑奶茶☕️：奶茶好滑，一上枱咩都未落就有茶香同奶味，佢甜度係自己想飲幾甜就落幾多糖，掌握喺自己手入面。


最後喺呢度俾個餐牌大家參考吓~~~