松葉蟹味噌鍋膳🦀🍲
湯底濃郁嘅味噌香氣🤤味道鹹鮮有致仲帶有淡淡嘅昆布幽香👏🏽大大隻嘅松葉蟹腳🦀肉質飽滿鮮甜，煮一陣蟹肉嘅精華完全滲晒入湯底同蔬菜🥬度🫶🏽
🐮🐮牛の欲張り御膳🐮🐮
和牛西冷用自家調配粉漿高溫快炸60秒高溫炸，食起上嚟非常粉嫩🥰大約已有三成熟，職員話可以用鐵板爐再煮熟自己調配🔥 御膳嘆勻和牛四款唔同部位嘅牛肉，包括肉味濃郁嘅穀飼西冷、油脂豐富嘅醬味薄牛、口感軟腍嘅翼板牛同埋最稀有嘅菲力牛😍每款都有獨特口感同牛味💕最正係可以配上溫泉玉子🐣將滑溜嘅蛋液撈埋一齊食，口感更加順滑，瞬間由和風變洋風，正到暈💫而青唐辛子味則帶點微辣清新，係另一種層次嘅享受🫰🏼
和牛醬汁有九種配搭😚
🟤濃郁系- 綠芥末、咖喱醬、七味唐辛子
🟡清爽系- 招牌牛扒醬、鰹魚和風露、玫瑰鹽
🟠開胃系- 日式溫泉蛋、胡麻醬、和風沙律醬
🌟套餐會跟埋白飯、椰菜沙律及味噌湯🍚🥗🥣仲可以無限量添加🥳
🍓🍦草莓小豆雪糕三文治🍦🍓
食完咁多肉，一定要用個靚甜品作結至得😎賣相勁靚🌸，烘得微脆嘅餅乾夾住冰凍嘅草莓雪糕同香甜綿密嘅紅豆餡。凍冰冰又唔會太甜😍
🍵🍰特濃抹茶小豆流心蛋糕🍰🍵
抹茶控注意‼️呢個蛋糕一切開，濃郁嘅抹茶流心醬即刻湧晒出嚟🤩視覺效果滿分💯充滿住回甘嘅特濃抹茶味，口感豐富略嫌甜左少少🤏
🍇🥝甜蜜乳酸（巨峰，奇異果，乳酸) 🥤
甜蜜乳酸充滿雜果口味，入面有巨峰提子同奇異果果碎，酸酸甜甜加上乳酸嘅清爽，解渴一流😬
🍯🍋柚子薑茶（熱）🍯🍋
女士暖心之選💛柚子蜜嘅香甜之中滲透住薑嘅微辛，飲完成個人都暖笠笠，非常舒服😌飯後暖胃又健康🙌🏾
