韓國天團BLACKPINK 世界巡迴演唱會《DEADLINE》香港站早前圓滿結束，Jennie、Lisa、ROSÉ、Jisoo 4位成員狀態大勇，帶嚟強勁歌舞實力外，仲用廣東話同香港粉絲打招呼：「大家好！」、「我好掛住你哋！」。而每站巡演中，ROSÉ都會拎住當地特色小食出場品嚐，2026年嚟到香港站都唔例外，即刻睇吓ROSÉ嘅香港同款美食清單啦～
BLACKPINK 世巡食播環節
ROSÉ將食播環節帶到世界各地舞台上，成為演唱會一大特色。每到一個城市，佢都會喺演唱會期間，親身品嚐當地最具代表性嘅特色小食。
由台灣站嘅鳳梨酥、珍珠奶茶、鹽酥雞，到香港站嘅雞蛋仔、港式奶茶、咖喱魚蛋，每一次ROSÉ親民可愛進行食播，都令全世界BLINKs(BLACKPINK 粉絲)透過佢嘅視角認識世界各地飲食特色。
ROSÉ 香港美食清單記錄
| 2026年1月24日 (首場)🗓️ 雞蛋仔 網民形容ROSÉ食一啖雞蛋仔後「瞳孔地震」，流露出滿足表情，瞬間點燃全場氣氛。 2026年1月25日 (第二場)🗓️ 港式奶茶 ROSÉ手持經典黑白淡奶杯，優雅地飲一啖香滑奶茶，隨後露出幸福表情令台下粉絲尖叫連連。 2026年1月26日 (尾場)🗓️ 咖喱魚蛋 萬眾期待嘅尾場，ROSÉ揀咗咖喱魚蛋作為壓軸美食，而且興奮地對鏡頭豎起大拇指，表示極度讚賞。 |
ROSÉ同款美食打卡地圖
見到ROSÉ食咗咁多香港地道小食，開飯仔即刻為大家準備同款美食地圖，等大家隨時出發掃街～
【 雞蛋仔🧇】
網民推測ROSÉ同款： 629雞蛋仔
大部分網民憑藉ROSÉ手持雞蛋仔外賣紙袋，推測很可能嚟自新蒲崗「629雞蛋仔」。
圖： foodie_aki、 micng.hk
搜羅更多地道雞蛋仔👇
利強記北角雞蛋仔
2016及2017年米芝蓮香港街頭小食推介，係好多明星幫襯過嘅老字號。
圖： TC530、 mikielgirasol
媽咪雞蛋仔
2016至2021年米芝蓮街頭小食推介，首創粒粒朱古力雞蛋仔，每一啖都咬到成粒朱古力。
圖： creamfun
【港式奶茶☕】
港式奶茶係香港茶餐廳文化的靈魂，獨特「絲襪」沖泡法同濃郁茶味聞名於世。一杯正宗港式奶茶，茶味要夠濃、奶味要夠滑，兩者完美融合真係有種回甘悠長風味。雖然唔知ROSÉ當晚飲邊間奶茶，但香港都有唔少出名奶茶嘅茶餐廳㗎。
蘭芳園
創立於1952年，香港歷史最悠久茶餐廳之一。採用傳統家族秘方，以形如絲襪嘅茶袋拉製，香濃幼滑，一試難忘。
圖： 金華冰廳
茶底扎實、滋味回甘，濃淡恰到好處，好推薦配埋熱辣辣招牌菠蘿油。
圖： DollyLing
【 咖喱魚蛋🍢】
咖喱魚蛋一向係掃街首選，魚蛋要爽口彈牙，咖喱汁要香濃惹味!! 呢兩間魚蛋店分別最出名係魚蛋醬汁、魚蛋陳皮香味。
魚蛋佬
以出色沙嗲汁、咖喱汁著稱，招牌白魚蛋用多種海魚製作，爽口彈牙，每日限量供應。辣椒油同咖喱汁由老闆精心調製，真心惹味。
圖： Clareylee
旦王
咖喱魚蛋有陳皮香味，粒粒彈牙有咬口，咖喱汁都好香辣濃郁。
圖： ccrreami
開飯仔筆記📝
各位BLINKs跟住同款美食地圖掃街啦～
| 【 雞蛋仔🧇】 629雞蛋仔 🍽店舖類型：港式 / 外賣店 / 小食店 📍店舖位置：新蒲崗 💰人均消費：$50以下 利強記北角雞蛋仔 🍽店舖類型：港式 / 外賣店 / 小食店 📍店舖位置：北角 / 將軍澳 / 尖沙咀 💰人均消費：$50以下 媽咪雞蛋仔 🍽店舖類型：港式 / 外賣店 / 小食店 📍店舖位置：北角 / 灣仔 / 中環 / 黃竹坑 / 銅鑼灣 / 上環 / 旺角 / 佐敦 / 九龍灣 / 尖沙咀 / 紅磡 / 天水圍 / 沙田 / 粉嶺 / 荃灣 / 元朗 / 大圍 💰人均消費：$50以下 【港式奶茶☕】 蘭芳園 店舖類型：港式 / 粉麵-米線 / 茶餐廳 · 冰室 / 大牌檔 / 懷舊老店 店舖位置：中環 / 尖沙咀 人均消費：$50以下 金華冰廳 店舖類型：港式 / 茶餐廳 · 冰室 / 懷舊老店 店舖位置：太子 人均消費：$50以下 【 咖喱魚蛋🍢】 魚蛋佬 店舖類型：港式 / 茶餐廳 · 冰室 / 懷舊老店 店舖位置：土瓜灣 / 西灣河 人均消費：$50以下 旦王 店舖類型：港式 / 外賣店 / 小食店 店舖位置：旺角 人均消費：$50以下 |
【香港最Dope小食👑】ROSÉ 都食雞蛋仔！
更多OpenRice詳細推介：
► 葵廣2026推介｜和牛主題小食店/蝦湯拉麵/蚵仔特濃擔擔麵 (按此)
► 情人節可用優惠｜法西日韓浪漫套餐精選 肉眼扒/芝士炒雞/燒龍蝦/獨家優惠送生蠔 (按此)
► 2026新年盆菜｜傳統圍村盆菜/6頭鮑魚/初一照開送貨上門 (按此)
文：Kate、Cathy
攝：Renee
片：Tony
