新年想食得開心又唔想煩，最簡單就係約埋屋企人去食自助餐！由海鮮冷盤、燒味熱葷、賀年吉祥菜式到甜品雪糕通通有，肯定食到捧住個胃走，當係同自己開個好年啦～一於睇吓邊間啱食～
新春賀歲自助餐 大灣咖啡廳 
呢間自助餐幾有新春氣氛，每枱一坐低都會有撈起！大家一齊「越撈越高」，寓意新一年撈到風生水起～食物方面主打賀年菜式，有佛跳牆同燒乳豬（初一至初三限定）、鮑魚炆鴨掌、發財好市、玉環瑤柱甫，仲有盆菜呢啲節日感滿分嘅選擇。整體係嗰種一家大細圍埋熱熱鬧鬧食、邊食邊講祝福嘅feel，想搵間有新年味嘅自助餐可以留意下～
供應日期：2026年2月16日至22日
價錢：自助晚餐平日每位港幣$738；星期五、週末、假期及假期前夕每位港幣$838
多款中式賀年吉祥菜式 露台餐廳
一向好受歡迎嘅自助餐廳，新春時段會加推一系列中式賀年吉祥菜式，加埋環球美饌真係熱鬧又有節日感～菜式會融入傳統祝福寓意，例如髮菜花菇蠔豉主打「生財、金錢、好市」好意頭；麒麟星斑塊就代表「年年有餘」。一班人食團圓飯，邊食邊講祝福幾開心。
供應日期：2026年2月17日至19日
價錢：成人每位港幣$1,450；小童每位港幣$950 *2026年2月18日自助晚餐：成人每位港幣$1,980；小童每位港幣$1,040
駿馬賀歲自助餐 馬哥孛羅咖啡廳
主打傳統賀年菜式，必試象徵「風生水起」嘅三文魚撈起，同埋寓意「發財好市」嘅髮菜炆蠔豉。另外廚師會用矜貴食材炮製經典粵菜，例如好意頭嘅錦繡紅袍、五福臨門。最抵讚係惠顧賀歲自助晚餐，每兩位賓客仲會獲贈一客迷你盆菜，兩個人share食啱啱好，儀式感即刻加分～
供應日期：2026年2月16日至20日
價錢：成人每位港幣$708；小童每位港幣$448；長者每位港幣$648
農曆新年自助盛宴 Yamm
想多元化啲，可以揀呢個有齊中西式嘅新年自助餐～一邊有環球美饌，一邊又擺滿意頭十足嘅賀年菜式，好啱約埋親友一家大細食餐開年飯。必玩位當然係七彩繽紛撈起，自己親手撈住講祝福，氣氛即刻升溫!! 另外即席分切嘅脆皮燒乳豬都好有存在感，皮脆肉嫩，夾幾件已經好滿足。想食矜貴啲仲有蠔皇醬汁慢煮嘅花膠同鮑魚啊。甜品區都落足心機，「幸運八」草莓洛神花啫喱伴櫻花奶凍、桂花椰汁糕、紅莓朱古力噴泉，再加幾款Häagen-Dazs雪糕同即製草莓銅鑼燒，食到尾都仲想再encore～
供應日期：2026年2月16日至19日
價錢：成人每位港幣$828；小童每位港幣$458；長者每位港幣$658
開飯仔其他新年推介
| 1️⃣賀年糕點 12大酒店及連鎖店推介 開心果年糕/金箔錫蘭紅茶年糕/金沙奶黃糕 (詳情按此) 2️⃣2026新年盆菜 傳統圍村盆菜/6頭鮑魚/初一照開送貨上門 (詳情按此) 3️⃣新春團年飯 5大套餐優惠 海鮮粵菜/准揚宴送紅酒/京川手工菜 (詳情按此) 4️⃣賀年食譜 炸雲吞配山楂酸甜汁 笑哈哈過赤口 (詳情按此) |
更多OpenRice詳細推介：
►【OpenRice開飯百大人氣榜】尖沙咀打卡拍拖西餐廳推介 打卡海景/半世紀歷史意式餐廳 (按此)
► 情人節可用優惠｜法西日韓浪漫套餐精選 肉眼扒/芝士炒雞/燒龍蝦/獨家優惠送生蠔 (按此)
► 新春團年飯5大套餐優惠 海鮮粵菜/准揚宴送紅酒/京川手工菜 (按此)
文：Yanica
編：Kate、Cathy
