搵食嚟到官也街，最怕走入遊客區得個「貴」字。好彩捐入橫巷，見到呢間 餐廳，門口有幅打卡磚牆，吸引好多小姐姐黎打卡，諗住環境應該唔差得去邊。推門上二樓，燈光昏黃好有feel，空間感比預期中闊落，坐得舒服。
講到食，必叫嘅一定係 葡式烤香腸。侍應會喺你面前即燒，火焰竄起嗰下儀式感十足，未食已經聞到燻香。腸衣燒到脆卜卜，一咬爆汁，鹹香惹味，送酒一流。
葡式烤乳豬 同樣出色，皮燒到玻璃咁脆，火候控制得啱啱好，肉質嫩滑帶油潤，但絕對唔會膩口，同中式烤乳豬好唔同。
起司拼盤 擺盤靚，幾款芝士風味各有特色，口感層次更豐富。
非洲雞必點，醬汁入晒味，花生同椰絲嘅香氣突出，肉質嫩滑，啖啖肉好
呢度價錢對得住質素，唔係嗰啲只做遊客一次過嘅舖頭，值得回頭再試。
