1️⃣ 蟹柳魚腐魚湯米線，先食個鹹食墊吓底。個魚湯底飲得出淮山味幾重，如果你鍾意嗰種清清地、帶點藥膳感嘅湯頭，呢個應該幾合你胃口。魚腐吸晒湯汁，食落幾舒服。🐟🍜
2️⃣馬介休球 (四粒)上枱嗰陣熱辣辣，明顯係即叫即炸，不過老實講，入面嘅薯仔比例偏多，魚肉味就相對淡咗少少。如果你係追求濃郁魚肉香嘅朋友，可能會覺得呢個馬介休球薯咗啲。🥔🐟
3️⃣開心果糊就一般般，感覺似個芡落得重手咗啲質地太稠，反而令到開心果嗰陣果仁香氣出唔到嚟，食落唔夠濃郁。如果可以減少啲粉感，開心果味再突出啲就完美喇。
4️⃣芒果腸粉個椰汁皮做得好出色，滑捋捋咁入口即溶。配埋入面甜甜地嘅大條芒果，椰香同果香夾得好埋，呢個真係必點之選。
去開澳門想搵個地方坐低食少少嘢，都可以一試嘅，但記得要識得揀嚟食呀。
呢到俾個餐牌大家~
