2026想食火鍋，已經唔止係「打邊爐」咁簡單！今次精選5間各有主題嘅特色火鍋：迴轉一人火鍋夠方便、放題任食夠過癮、即撈活海鮮，仲有懷舊港式裝修同超靚打卡位。無論想一個人快食定約朋友飯局，都一定搵到心水之選。
1. 迴轉一人火鍋放題
油麻地呢間迴轉一人火鍋幾有新鮮感，一坐低已經準備好每人一鍋。配料沿住輸送帶慢慢轉過嚟，見到想食可以即刻拎落嚟，坐定定一路煮一路食，超方便！晚市放題$158/90分鐘，價錢算親民，仲會送每人一碟海鮮拼盤(包括生蠔、蜆、大蝦、青口)。湯底推介番茄湯，酸甜開胃煮海鮮幾夾。另一款菌湯湯底就清香順喉，用嚟涮肉肉味更突出，想放題瘋狂食肉嘅話就啱晒喇！自助區有醬料、飲品同雪糕，選擇都好豐富。
開心轉轉火鍋 
地址：油麻地彌敦道558-560號譽發廣場4樓
圖：Aka_fung
2. 任食即撈活海鮮
主打「自己撈、即刻煮」，由蜆、蝦到蟹同鮑魚都係新鮮生猛！輕輕滾熟已經好甜，湯底仲會愈煮愈鮮。想襯托海鮮味可以揀清香嘅野菌湯，或者濃郁嘅龍蝦頭湯都好香～肉類質素都唔失禮，有和牛、Prime牛幾有油香。除咗打邊爐，呢度仲有即燒區如燒蠔、燒鰻魚同燒乳鴿等。甜品區簡直落重本，有齊梳乎厘班戟、窩夫、雪糕同蛋糕，食完火鍋再慢慢嘆好滿足～
美人漁海鮮火鍋放題
地址：銅鑼灣波斯富街99號利舞臺廣場21樓
圖：fatlaa
3. 懷舊香港酒樓氣氛
尖沙咀呢間雞煲火鍋好有舊香港酒樓feel！一入門就見到霓虹燈、雕龍雕鳳同復古海報，背景仲不停播懷舊金曲，瞬間穿越返70-80年代嘅香港酒家。食法係先食雞煲再轉打邊爐，雞煲口味選擇多，例如蠔雞煲香得嚟又有鮮味，洋蔥吸晒汁好加分。食完雞煲就可以落湯打邊爐，即炸響鈴同沙嗲牛肉餃好香口惹味。自家製鹹檸七仲好有記憶點，係用舊式漱口杯上枱好夾懷舊主題。
龍鳳呈祥火鍋雞煲 
地址：尖沙咀加拿芬道16號金輝大廈2樓
圖：4. 高空靚景私房菜
幾適合同朋友慢食傾偈，仲可以俯瞰油麻地靚景嘅火鍋店。2人同4人餐都好抵食，湯底真材實料。瑤柱冬瓜鍋清甜鮮味，飲落清甜唔會口乾；想暖身啲可以揀老鴨湯，湯身濃厚但唔會膩。套餐配料以牛肉同海鮮為主，牛肉嫩滑有牛味，海鮮盤就有扇貝、蠔、蝦同魚片等。多款手工配料如韭菜餃、蟹肉餃同三寶丸都好高質，食埋烏冬或公仔麵，最後再嚟碗甜品收尾超滿足！
唐坊火鍋私房菜
地址：油麻地彌敦道560號譽發廣場23樓
圖：wcs_0331
5. 台灣過江龍 肉食者天堂
台灣過江龍火鍋店，主打地道台式火鍋。店員即場爆炒蒜頭蛤蜊雞湯，係必食之選！炒嗰陣真係全間舖都聞到香味，湯料跟埋無骨雞同大隻蛤蜊，炒香後先飲湯再打邊爐超夾～肉類方面澳洲羊肩有少少奶香但完全唔羶；澳洲和牛背肩雪花好靚，入口嫩滑。另外午市嘅火鍋套餐超抵食，百零蚊就食到一人鍋套餐，難怪咁多人特登午市走去食啦。
肉多多火鍋
地址：銅鑼灣糖街25-31號Sugar+ 3樓
圖：同場加映：🔥最Dope火鍋套餐
1. 頂級手切牛/海鮮/刺身 無限時任食！
無限時晚市火鍋放題推介又嚟啦～ 呢間任食40+火鍋配料之餘，湯底仲係冬日滋補嘅金湯花膠雞鍋！連埋🐮頂級手切牛拼盤*、豪華海鮮拼盤*(有鮑魚、帶子、蜆等4至6款時令海鮮)真係超豐富呀。今次唔只滿足邊爐癮，仲會有埋豪華時令刺身盤*(又有鮑魚、帆立貝、特大甜蝦、極厚切三文魚同北寄貝)，加埋主菜任選1款*(開飯仔私心推介足料老壇酸菜魚 或 愈炒愈香嘅重慶雞煲)。最後飲多幾杯自家製涼茶清吓熱，爽呀。
淥鼎記
訂座+訂餐🛎️
1️⃣ 旺角店 👉🏻 (按此)
2️⃣ 觀塘店 👉🏻 (按此)
*一次性菜式
2. 松茸烏雞花膠湯/M9和牛 台式任食火鍋套餐87折
召喚台式火鍋Fans！呢間「吃到飽」任食火鍋有87折優惠～60+火鍋配料、水果Smoothie、珍珠奶茶、綿綿冰等任你Encore！湯底首選供應至3月初嘅「松茸烏雞花膠鍋」，松茸味超濃厚！火鍋配料必食澳洲M9和牛肩胛肉、時令活北寄貝同大頭蝦之外，咖喱流心魚蛋、流心粟米丸都係特別款式。另外仲有台灣直送火鍋配料、大腸包小腸、鬼馬油條，好似飛咗轉台灣咁呀～甜品控記得玩埋飄雪綿綿冰機，由製冰開始DIY幾Fun喎。
牛品台式火鍋
訂座+訂餐🛎️
1️⃣尖沙咀店 👉🏻 (按此)
2️⃣銅鑼灣店 👉🏻 (按此)
3. 精品火鍋×極鮮海鮮 台式火鍋套餐9折
精品台式火鍋套餐嘅季節限定特色湯底加入龍躉熬煮，鮮味比一般魚湯底突出得多。仲有可以無限追加鴨血嘅台式麻辣鍋，係鴛鴦鍋最佳拍檔呀！套餐搭配嘅海鮮*同肉類，睇見都覺得Fresh！開飯仔最欣賞鮮白鱔脆鯇拼盤，用上手工現切活魚，食落幾爽口。另外伊比利亞黑豬肉、美國特選級牛小排都係熱門款式。加埋可愛企鵝造型魚蛋、火鍋必食串串響鈴卷、香口鹽酥雞、任食Q冰粉等食品，真心好有台灣風味。
湊湊火鍋‧茶憩
訂座+訂餐🛎️
指定分店9折優惠 👉🏻 (按此)
*海鮮因時令轉換
4. 正宗重慶老火鍋套餐66折
無辣不歡或者想刺激吓，香辣麻嘅重慶老火鍋一定幫到你！呢間麻辣鍋湯底濃厚有後勁，涮肉一流。2人套餐仲可以自選9款火鍋配料，彈性選擇想食咩就揀咩～開飯仔私心推介超嫩滑嘅「嫩嫩嫩牛肉」，小郡肝串串就幾爽口。另外鮮鴨血同霞浦海帶苗嘅口感都有驚喜！
方叔叔重慶老火鍋 (中環店除外)
訂座+訂餐🛎️ 👉🏻
2人餐66折 / 4人餐75折👉🏻 (按此)
更多OpenRice詳細推介：
►【OpenRice開飯百大人氣榜】尖沙咀打卡拍拖西餐廳推介 打卡海景/半世紀歷史意式餐廳 (按此)
► 香港5大好味牛舌合集！必食爽口彈牙牛舌芯 (按此)
► 2026新開烘焙店｜4大必食：沖繩海鹽卷/龍蝦牛角脆筒/茉莉花奶油冬甩/山葵明太子鹽可頌 (按此)
文：Yanica、Cathy
編：Kate
