捉緊「香港藝術三月」(Art March)尾巴～每年3月香港都會變身成「藝術之都」，各大展覽、藝博會同文化活動集中登場。隨住Art Basel、Art Central等大型國際藝術展開鑼，加上西九文化區同中環畫廊區嘅活動，全城氣氛都圍繞住「藝術」展開。除咗睇展覽，仲有唔少餐廳配合藝術三月推出期間限定藝術主題菜單同體驗，由Fine Dining到藝術下午茶都有，大家不妨順便安排一個「睇展覽+食飯打卡」行程，一次過感受視覺同味覺嘅藝術享受啦！
🎭 2026香港藝術三月活動
| 「香港藝術三月」(Art March)係每年3月舉行嘅大型文化盛事，集合超過100項藝術活動，包括國際藝術展、博物館展覽、表演藝術同公共藝術裝置等。活動遍佈灣仔會展、中環海濱、西九文化區等地，吸引本地同海外藝術愛好者參與。今年藝術三月活動相當豐富，主要集中喺以下幾個重點： ．Art Basel Hong Kong(巴塞爾藝術展)：喺灣仔會展舉行，屬全球大型藝術展之一，展出國際同亞洲畫廊作品 ．Art Central：於中環海濱舉行，主打新銳藝術家同大型裝置藝術 ．香港藝術節：涵蓋音樂、戲劇同舞蹈等表演藝術 ．西九文化區活動：包括家FUN藝術節同巨型藝術裝置，適合打卡 ．HKWALLS街頭藝術節：中西區會有壁畫同街頭創作 ．ComplexCon Hong Kong：融合潮流文化、時尚同藝術元素 除此之外，M+博物館、香港故宮文化博物館同香港藝術中心等，亦會推出多個主題展覽，基本上全港各區都有藝術活動方便大家參與。 |
去片睇Central Yards Edible Art Fair 中環藝嚐展亮點
🍽️ 睇展順便食｜藝術月餐廳推介
⭐藝術三月限定
藝術月限定必食：藝術聯乘氣泡茶下午茶體驗 香港文華東方酒店快船廊 x Saicho 
三月限定嘅藝術主題下午茶，以氣泡茶配搭一系列鹹甜點心～桂花、大吉嶺同焙茶等口味層次分明，配三文治、甜點同鬆餅都幾精緻。餐廳同時聯乘本地藝術家設計限定手繪瓶身，每款都有植物元素圖案，食完仲可以帶走做紀念，幾適合約朋友慢慢坐低chill住食。
藝術月限定必食：沉浸式藝術晚餐體驗 香港美利酒店Niccolo Room
將晚餐變成一場2.5小時嘅互動藝術劇場，透過3D投影帶你走入Picasso、Van Gogh同Banksy等藝術家世界，每道菜都圍繞唔同藝術主題設計，仲可以一邊食一邊參與小互動同解謎。連雞尾酒同甜品都呼應藝術概念，好似《星夜》主題飲品同藝術家靈感蛋糕，成個體驗幾有新鮮感，唔係普通食飯咁簡單。
藝術月限定必食：藝術主題雞尾酒體驗 Qura Bar
以「藝廊」概念設計全新雞尾酒系列，每杯都對應唔同藝術形式，由繪畫到音樂概念都有，風味組合亦幾有創意，例如加入青瓜啫喱、椰子同橄欖油脂等元素，飲落層次好豐富。你仲可以配搭精緻小食一齊試，成個體驗幾適合夜晚去chill下，順便感受藝術三月嘅另一種玩法。
灣仔會展人氣美食：必食和牛船麵 Samsen 泰麵
晚市經常要排隊嘅人氣泰國菜，主打濃味船麵同炒金邊粉，和牛濃湯粉湯底夠濃郁又帶香料層次，和牛亦好嫩滑；虎蝦炒金邊粉就係鑊氣推介。餐廳環境走泰式街頭風，氣氛熱鬧，啱晒睇完展覽嚟醫肚。
圖：灣仔會展人氣美食：藝術中心文青Cafe The Corner Coffee
坐落香港藝術中心內，好方便大家睇完展直接落去坐低chill下～Camping+植物主題裝潢，打造輕鬆寫意嘅氛圍。咖啡同輕食選擇簡單，好似抹茶Latte同Bagel係最大眾化口味，另外亦有豆腐雪糕雞蛋仔呢類創意配搭。
圖：📍中環/上環(Art Central/畫廊)
中上環人氣必食：輕食Brunch人氣之選 Elephant Grounds
空間開揚又充滿自然光，坐得幾舒服，無論傾偈定慢慢嘆杯咖啡都幾啱Feel。呢度主打輕食同Brunch，其中牛油果吐司、班尼迪蛋同Acai Bowl幾受歡迎，賣相吸引又唔會太飽滯。
圖：中上環人氣必食：亞洲50強人氣酒吧 Bar Leone
成日都大排長龍嘅人氣酒吧，風格獨特，夜晚去特別有Feel。雞尾酒配搭有創意，例如咖啡系Cocktail配海鹽奶蓋飲落似甜品。佢哋嘅小食都唔馬虎，肉丸、千層麵同Focaccia都值得一試。
圖：KelLau
📍西九文化區(M+/故宮)
西九文化區附近必食：西九海景居酒屋 旭宵食堂
坐落西九海濱，環境夠chill又有夜景，戶外座位仲可以邊食邊望海，氣氛好寫意！一系列日式居酒屋料理由魚生丼、鰻魚飯到串燒都有，厚切刺身同燒物都幾有水準。配蝶豆花賓治、乳酪梳打等特調飲品，賣相吸睛之餘，入口好Refresh𠻹。
圖：西九文化區附近必食：西九Live Music餐廳 留白 Livehouse
結合Live Band同餐飲嘅西九人氣Spot，夜晚坐戶外位吹住海風聽歌，藝術感出晒嚟。食物以輕食+西餐為主，Nachos同意粉夠入味，配啤酒或者Cocktail都夾，配合呢度嘅Relax Vibe。
圖：honq
文：Yanica
編：Cathy
