賀年糕點2026｜16大酒店及連鎖店賀年糕點/新年禮盒推介 開心果年糕/錫蘭紅茶年糕/金沙奶黃糕

2026農曆新年必買糕點攻略！話咁快要準備迎接農曆新年(2月17日)，梗係要開放肚皮享受各種賀年糕點啦！開飯仔會Keep住報料畀大家，無論係本地老店或酒店出品，傳統口味、創新配搭同特多造型都一一送上，即睇各大店舖嘅賀年糕點有咩特點同早鳥優惠～仲有煎糕Tips同健康飲食攻略，減輕罪惡感！

賀年糕點FAQ

賀年糕點/新年禮盒推介

全新呈獻陳皮紅豆凍糕 翠亨邨

賣點： 
翠亨邨全新呈獻陳皮紅豆凍糕，嚴選特級二十年陳皮，配以飽滿嘅日本紅豆同香濃椰汁，入口香滑。另外亦供應原創白桃桂花凍糕、經典臘味蘿蔔糕、傳統秘方椰汁年糕同埋清甜爽口馬蹄糕畀大家揀。配合升級版優雅年糕禮盒設計同色調上更突顯節日氣氛，包括「花開富貴」、「新春大吉」、「迎春接福」、「大吉大利」、「萬事如意」以及「吉祥如意」等祝福主題，送禮同時送上祝福呀～

售價：
原創白桃桂花凍糕 / 新口味陳皮紅豆凍糕 - 各$278/份
黑松露芋頭糕 / 臘味蘿蔔糕 - 各$338/份
椰汁年糕 / 馬蹄糕 - 各$258/份

首創「翡翠蘿蔔糕」 皇玥

賣點： 
用白蘿蔔做蘿蔔糕，相信係大家公認嘅常識，但皇玥耗時4年研發嘅「翡翠蘿蔔糕」會打破大家嘅固有觀念！「翡翠蘿蔔糕」以黃金比例融合白蘿蔔同青蘿蔔，入口會先感受到白蘿蔔慢煮後嘅溫潤甘甜，慢慢再感受到青蘿蔔粒嘅微爽脆口感。

售價：
翡翠蘿蔔糕 - $328/900克 (禮券優惠價：$210)
換領日期：2026年2月12日至2月16日
換領門店：銅鑼灣店、中環店、灣仔店、尖沙咀店、旺角店、觀塘店、鑽石山店、沙田店、荃灣荃新天地店、葵芳店、元朗廣場店、屯門市廣場店、將軍澳中心店

錫蘭紅茶年糕 / 櫻花蝦日本大根蘿蔔糕 大公館

賣點： 
清新口味賀年糕點～櫻花蝦日本大根蘿蔔糕以頂級日本大根配香港製臘味、頂級櫻花蝦，清甜又香口！金箔錫蘭紅茶年糕則採用高級錫蘭紅茶，茶香平衡甜度，新年期間當午後茶點招呼親友幾得體。

售價：
櫻花蝦日本大根蘿蔔糕 - $238 (早鳥優惠：2026年1月18日前每盒$218)
金箔錫蘭紅茶年糕 - $178

紙醉金迷脆皮年糕 波士廳•101  

賣點： 
米芝蓮一星團隊主理嘅新派粵菜館嘅「紙醉金迷脆皮年糕」，打破大家「一底底」糕點嘅印象呀！師傅將口感煙韌軟滑嘅賀年年糕，自家手製加添一層香脆黃金外衣，外脆內軟，清甜唔膩，全港獨有夠晒特別～

售價：
紙醉金迷脆皮年糕 - $238 (OpenRice餐飲券優惠：$228)

瑞典肉丸櫻花蝦蘿蔔糕 / 植物素肉丸松露芋頭糕 / 紫薯香芋椰汁年糕 IKEA

賣點： 
IKEA繼續回應一眾肉丸迷嘅支持，用佢嚟整蘿蔔糕同芋頭糕！升級版瑞典肉丸櫻花蝦蘿蔔糕結合蘿蔔絲、櫻花蝦同IKEA經典瑞典肉丸，口感豐富；而品牌自家研發嘅植物素肉丸就做成植物素肉丸松露芋頭糕，慢火煎香就最好味。另一款創新之選紫薯香芋椰汁年糕，口感軟糯帶椰汁嘅香甜，為新年增添甜蜜感覺。

售價：
瑞典肉丸櫻花蝦蘿蔔糕600克 - $59.9
植物素肉丸松露芋頭糕600克 - $53.9
紫薯香芋椰汁年糕600克 - $49.9

新推出黃金馬蹄糕 逸東軒

賣點：
嚴選新鮮馬蹄同優質蔗糖，入口清甜細膩，仲食到馬蹄粒粒嘅爽脆彈牙，食完唔會覺得滯。如果想買嚟送禮都好加分，高雅牡丹主題禮盒好典雅，寓意新一年圓滿吉祥。而且包裝貫徹酒店嘅環保理念，盡量減少過度包裝㗎。 售價：
黃金馬蹄糕 – HK$268/份

售價：
黃金馬蹄糕 – $268/份

「蒸蒸日上」棗皇糕 嘉麟樓  

賣點：
「蒸蒸日上」棗皇糕個名夠晒喜慶!! 靈感源自清朝宮廷食譜，再由中菜行政總廚林鈺明重新演繹，升級呈現傳統味道。棗皇糕嚴選優質新疆紅棗，棗香濃郁自然，配搭香滑椰汁層層疊製，口感軟糯細緻、甜而不膩，食落好順喉。無論一家人新年一齊分享，定係送禮祝賀都夠晒體面又有祝福寓意，新一年自然步步高升呀～

售價：
「蒸蒸日上」棗皇糕 – $488/份

全新牛肝菌蟲草花素糕 奇華餅家

賣點：
想新年食得清爽啲又有養生感，全新推出嘅牛肝菌蟲草花素糕就啱晒。用被稱為「山珍之王」嘅野生牛肝菌，配搭營養豐富嘅蟲草花、沙葛同白背木耳絲，入口先係菇菌天然鮮香，跟住有沙葛嘅爽脆清甜，食落輕盈得嚟好滿足～

售價：
牛肝菌蟲草花素糕 – $140/份

全新台灣古早咸甜年糕/開心果年糕/金沙奶黃糕 香宮  

賣點：
想試吓唔同風味嘅賀年糕點～呢款台灣古早咸甜年糕幾有驚喜！佢走台灣古早風味，加咗嫩滑肉碎同香煎洋蔥。慢火蒸煮令鹹香一層層煨出嚟，同時又同清甜糯米味融合得好自然，食落鹹甜適中，唔會只係「甜糕」咁單調。另有2款創新糕品都好特別，開心果年糕帶淡淡堅果香，糯韻柔潤；金沙奶黃糕就將鹹蛋黃粒同椰香揉合，輕煎後外層金黃香脆、入面綿密軟糯～

售價：
香宮台灣古早咸甜年糕 – $298/份
香宮開心果年糕 – $398/份
香宮金沙奶黃糕 – $368/份

全新賀年減糖年糕 香港麗晶酒店

賣點：
想盡情食糕唔怕太甜！呢款全新賀年減糖年糕幾貼心，用上乘食材慢火蒸製令年糕煙韌細膩、甜度溫和。食嗰陣有天然甘香，甜而不膩又有種健康清爽感。最加分位係每份都隨附麗晶軒安溪鐵觀音茶，一啖茶香氤氳、一啖年糕軟糯嘅配搭好舒服～

售價：
賀年減糖年糕（附麗晶軒安溪鐵觀音茶）– $388/份

至尊有機蘿蔔糕/海鹽瑤柱芋頭糕 鴻福堂

賣點：
新年想食啲鹹香惹味、又夠料嘅賀年糕點～呢2款都好啱！海鹽瑤柱芋頭糕用香滑細膩嘅芋頭打底，入口先係淡淡海鹽提味，之後瑤柱、臘肉同蝦米嘅香口慢慢湧出嚟，煎一煎更加香脆。想再升級啲就揀至尊有機蘿蔔糕，用爽甜嘅有機蘿蔔做主角，仲加咗香濃原隻蝦乾、瑤柱、金華火腿，鹹鮮夠立體，食落真係一試難忘！

售價：
至尊有機蘿蔔糕 – $305
海鹽瑤柱芋頭糕 – $205

錦鱗如意凍/全新素食黑糖老薑五豆糕/發財蓮藕菌皇糕  帝港酒店集團 - Royal Delights

賣點：
今年想玩啲唔同嘅賀年糕點～呢個集團一口氣推出3款新作，好睇又好食！主打造型好精緻嘅錦鱗如意凍，寓意大家新一年如魚得水、順遂如意。而且係用班蘭葉、椰奶同忌廉層做出三重色彩同口感，底層椰香醇厚、中層班蘭清新、上層清澈啫喱，入面仲有朱古力鯉魚充滿細節感。另外仲有雙星報喜素年糕系列，包括黑糖老薑五豆糕同發財蓮藕菌皇糕：前者用黑糖甘甜配老薑辛香，再加五色豆嘅鬆軟香糯；後者走少油少鹽路線，蓮藕粒清脆甘甜配菌皇鮮香，加埋髮菜口感豐富又好意頭，素食朋友都食得開心～

售價：
錦鱗如意凍 – $208（需於3天前預訂，每日限量50個）
黑糖老薑五豆糕 / 發財蓮藕菌皇糕 – $178

經典蘿蔔糕 / 傳統椰汁年糕 金葉庭

賣點：
兩款賀歲年糕禮盒包括經典蘿蔔糕同傳統椰汁年糕，前者加入精選臘腸、蝦米同本地清甜蘿蔔，再配合自家製XO醬味道更有層次～後者將椰香同蔗糖嘅清甜巧妙結合，無論煎或蒸都口感煙韌。

售價：
經典蘿蔔糕 / 傳統椰汁年糕 - 各$368/個

全新鴻運蝦米芋頭糕 / 如意瑤柱臘味蘿蔔糕 / 經典流金金箔椰汁年糕 / 尊貴滋補金箔燕窩桂花糕 8度酒店

賣點：
所有自家製賀年糕點用料新鮮，建議喺12日保鮮期內享用～全新登場嘅鴻運蝦米芋頭糕 ，特別選用粉糯香軟嘅芋頭，搭配惹味蝦米等材料蒸製，芋頭香氣突出，入口粉糯軟滑。另外仲有如意瑤柱臘味蘿蔔糕、金箔椰汁年糕同金箔燕窩桂花糕都值得一試。

售價：
如意瑤柱臘味蘿蔔糕 / 鴻運蝦米芋頭糕 – 各$178/個
金箔燕窩桂花糕 - $168/個
金箔椰汁年糕 - $148/個

賀年「瑪」到功成+招財貓禮盒/果仁脆脆新年禮盒 AW Patisserie

賣點： 
新年想搞搞新意思，試吓年糕/蘿蔔糕以外嘅選擇？呢個由藍帶餅師甜品店出品嘅新年禮盒就啱晒喇～套裝包括4款瑪德蓮貝殼蛋糕(檸檬、雙重開心果、花生湯丸、抹茶麻糬)，仲有幸運招財貓盲盒，食完可以留嚟做擺設！另外仲有夾餡牛油曲奇、焦糖開心果脆脆同榛子脆脆，無論係新年送禮，定當係派對零食開心Share都好適合～

售價：
賀年「瑪」到功成+招財貓禮盒 – $178
賀年開心果夾餡曲奇+招財貓禮盒幸運禮盒 – $218
賀年焦糖手炒開心果脆脆禮盒 – $148
賀年焦糖手炒榛子脆脆禮盒 – $148

盆菜風味蝴蝶酥/九大簋夾心曲奇 盆承

賣點： 
蘊含傳統圍村文化嘅賀年禮盒你又試過未？品牌由超過800年歷史嘅元朗屏山鄧氏宗族創立，父女檔拍住上推出新舊交融嘅賀年禮盒。蝴蝶酥系列融入圍村盆菜風味，除咗經典原味外，仲有鹹鮮嘅土魷、溫潤辛香嘅子薑菠蘿、帶陣陣菌香嘅花菇蝴蝶酥，口味與別不同！連法式夾心曲奇都大玩新意，注入九大簋元素，分別有芋頭鴨(芋頭白朱古力夾心)同梅子鴨味(梅子朱古力夾心)，好有新鮮感~

售價：
盆菜風味蝴蝶酥系列 – 3片裝 $78｜8片裝 $168｜12片裝 $238
九大簋夾心曲奇系列 – 2片裝(三角禮盒) $58｜10片裝 (潘朵拉禮盒) $258

* 尖沙咀K11 Art Mall Pop-up店為期間限定，即日起至4月2日(營業時間：11:00 - 21:00)

新登場曲奇禮盒 堅離地脆

賣點： 
鍾意食曲奇嘅朋友有口福喇～呢間本土小店新出曲奇禮盒，一盒集齊多達13款口味，包括皇牌燕麥紅莓提子曲奇、阿華田曲奇芝士曲奇、特濃朱古力曲奇、伯爵茶曲奇、綠茶朱古力曲奇、咖啡杏片曲奇，仲有香脆酥化嘅蝴蝶酥，送畀親朋好友食或者自己下午茶嘆都好正！

售價：
全新曲奇禮盒 – $168

文：Cathy、Yanica、Kylie
編：Kate