係時候約食團年飯同新年飯局喇！各中菜餐廳推出嘅節慶餐點，由2人起至12人成圍枱都有選擇，無論想撐枱腳定約飯局都得呀。最重要係經OpenRice買「訂座預付套餐」，Book枱同時有優惠呀！
手工海鮮粵菜晚市尊尚套餐 大宅
手工海鮮粵菜晚市尊尚套餐｜買1送1優惠：按此
餐廳以中式宅院裝潢呈現家嘅感覺，新年嚟呢度過節好有氛圍感～海鮮主題手工菜由擁有逾三十多年經驗嘅行政總廚吳師傅領軍，出品有保證。招牌「大宅三弄」配有醬油生醃蝦、椒鹽溏心鮑魚同蔥油海蜇，鮮爽滋味好開胃。花膠燉竹笙菜膽雞湯清甜順喉，每飲一啖都畀人暖胃感覺；仲有乾鮑汁扣金蠔鵝掌伴雲南鮮黃耳、古法荷香蒸本灣馬友等考師傅功架嘅菜式。
采悅迎新禧套餐 采悅軒
采悅迎新禧套餐｜4位餐優惠[春節可用]：按此 (圖：餐廳FB)
走優雅風嘅酒店中菜館配上落地大玻璃，氛圍感更加突出～佢嘅粵菜喺風味同創新之間平衡得啱啱好，可以放心帶長輩嚟食。新禧套餐以乳豬拼盤打頭陣推高節慶氣氛，碧綠炒斑球同黃金蝦球就有「年年有魚」、「新年笑哈哈」嘅意思。另外煙薰太爺雞、生炒臘味糯米飯惹味又有特色，嚟食團年飯啱晒Feel！
新春准揚宴送紅酒 个園竹語
新春准揚宴送Penfolds Bin 23紅酒一支｜6位或12位用優惠：按此
中菜配紅酒，嚟一場中西Fusion賀年聚餐啦～餐廳裝潢融入竹林元素，典雅中帶出不一樣嘅悠閒感覺，同精緻淮揚菜好夾。套餐包括地道糖醋小排骨、私宴老上海燻魚、四喜烤麩等經典前菜；然後以龍井野生河蝦仁、蟹粉芙蓉鍋粑、金蒜脆香糖醋石斑魚等手工菜將鮮味層層疊加，整整十道菜帶你味遊上海！
米芝蓮餐廳北京×湖南菜宴席 湘上湘
北京宴酥皮烤鸭&湘聚珍肴 - 北京米芝蓮指南入選餐廳｜4位套餐優惠：按此
嚟自成都嘅湘菜館，今次帶嚟融合北京菜同湖南菜嘅特色宴席，啱晒想團年飯有新意嘅朋友仔。宴席以茗茶作為序幕，先呷一口湖南安化天尖黑茶，再品嚐脆藕鹽甜蝦、北京宴酥皮烤鴨、陽雀湖辣椒小炒肉等經典菜式。收尾湯品同地道小吃為潤喉嘅土豬排燉洞庭湖藕湯，同埋老長沙鍋貼餃，用味蕾體驗北方新春暖意。。
Fine Dining式川味套餐 星·South Beauty
魯味商務套餐B｜2位餐優惠：高檔川菜餐廳嘅Fine Dining風格套餐，包括前菜、湯品、烤物、熱菜同主食，菜品設計多元化亦好啱打卡，其中水晶垛子黃牛肉同酸辣花膠烏魚蛋湯幾醒胃；魚子醬烤鴨山東煎餅、蔥燒渤海灣帶魚就夠惹味，佐酒一流！加埋時尚現代裝潢，招待商務客戶都好得體。
更多OpenRice詳細推介：
► 召喚黑芝麻控｜必睇10大推介：黑芝麻麻糬西多/特濃黑芝麻軟雪糕/玄米茶黑芝麻麻糬泡芙 (按此)
► 2026新年盆菜｜傳統圍村盆菜/6頭鮑魚/初一照開送貨上門 (按此)
► 外賣自取新年精選優惠 $27手打鮮鯪魚球麵、灣仔港式餐廳全單75折 (按此)
文：Cathy
