情人節想同另一半享受浪漫晚餐？開飯仔幫緊你～OpenRice「訂座預付套餐」包括唔同類型嘅套餐，由酒店浪漫法國菜到惹味韓國菜都有，最重要係可以Book情人節當日食呀！
開飯仔精選-情人節套餐推介
| 1. TANGRAM - 情人節共享晚市4道菜套餐 2. Outdark - 「火熱纏綿」韓式芝士炒雞情人宴全日套餐 3. ALTO Bar & Grill - 情人節共享餐單．送迎賓飲品 4. 火蓮花日本餐廳 - 海幸之戀• 甜蜜二人前💫OpenRice獨家優惠送生蠔 |
酒店法式餐廳 TANGRAM
情人節共享晚市4道菜套餐｜優惠詳情+訂座：按此
浪漫法國菜同情人節，絕對係完美組合！情人節4道菜晚餐有齊頭盤、餐湯、主菜同甜品，由松露風味蘆筍、經典牛肉他他食到香煎和牛牛柳，鮮味層層疊加，最後以玫瑰茶甜品收尾，如似將浪漫食埋落肚咁～餐廳仲免費贈送即拍即印照片同卡片，幫你保留浪漫晚餐嘅甜蜜時光。
韓國釜山炸雞品牌 Outdark
圖：cargo001、Wenjinggg
「火熱纏綿」韓式芝士炒雞情人宴全日套餐｜優惠詳情+訂座：按此
韓風in V-Day！鍾意Casual Vibe嘅情侶，今年不如試試慶祝食韓國菜～芝士炒雞分量十足，軟嫩嘅雞肉同煙韌嘅年糕好有咬口，沾上芝士醬後鹹鹹甜甜，邪惡又好味！加埋經典海鮮蔥煎餅同DIY飯糰，飽腹感Up！
眺望維港景色嘆西式五道菜 ALTO Bar & Grill
情人節共享餐單．送迎賓飲品｜優惠詳情+訂座：按此
西餐廳位於商廈高層，上菜之前同另一半欣賞吓維港景色幾好Feel。情人節共享餐單前菜先嘆香滑嘅牛肉他他配鵝肝、味道鮮爽嘅蟹肉椰菜花濃湯，後有以黑豚豬腩肉同西班牙八爪魚做主角嘅海陸拼盤、帶骨肉眼扒，用料夠晒豐富。最正係可以揀Wine Pairing，每道菜連甜品都會配唔同嘅葡萄酒㗎。
獨家優惠送生蠔 火蓮花日本餐廳
圖：餐廳(FB)
海幸之戀• 甜蜜二人前｜OpenRice獨家優惠送6隻日本生蠔｜優惠詳情+訂座：按此
位於酒店高層嘅日式餐廳，一排落地玻璃窗坐擁開揚河景，配襯日式禪風裝潢好有氣氛。「海幸之恋• 甜蜜二人前」套餐包含多款精緻菜式，例如刺身三點盛配花火杯、燒龍蝦、蟹肉釜飯之外，仲有燒國產牛配鵝肝及蘆筍，滿足想一次過食晒海鮮同靚牛嘅情侶們。留意OpenRice仲有獨家「訂座預付套餐」優惠，另外加送6隻日本生蠔，啱食就撳個掣Book定喇～
文：Cathy
