🐟迷你沙丁魚（$48）
係連魚竿上枱，好可愛嘅造型💙迷你沙甸魚非常香口入味，份量剛好做餐前小食，非常適合！
🪹啤酒脆鵪鶉蛋（$58）
精緻嘅小籠🐣放入炸得脆脆既鵪鶉蛋，造型令人眼前一亮✨鵪鶉蛋點上特製他他醬，非常好味！
🐌白酒香草蝸牛仔 （$48）
平日法國蝸牛食得多，葡式既整法即係第一次食！蝸牛仔配上白酒、香草、葡國腸一齊煮，別有一番風味！
🦀蟹肉醬配迷你多士（$98）
多士焗得脆脆，配上份量超足料既蟹肉醬，口感滿滿Creamy，非常滿足！
🐟馬介休巴格式鱈魚（$228）
魚已切好成立方體，方便亦啖啖肉！經過葡式醃製後，既保持鮮味，亦吸收配料精華，夾住炸薯塊一齊食，味道可口！
🐷燴黑毛豬臉頰肉（$228）
豬肉經過長時間燴製後，仍保持肉質鮮嫩，非常腍，輕輕一切已見到裏面粉紅既頰肉！配上香滑嘅薯蓉一齊食，口感更佳！
🥂飲品
有多款紅酒、白酒、葡國啤酒及飲品，當日叫左白酒Dona Maria 2024($72) 菠蘿味氣水（$38）
🥧甜品
當日叫左傳統葡式甜品：木糠布丁（$78）及肉桂葡撻（$20），為晚餐畫上完美句號👍🏻
