農曆新年前梗係要對自己好啲食好啲啦！今期外賣自取繼續有好多優惠，多間餐廳有全單75折，記得唔好走寶呀～
MISUGU BENTO (中環) 全單75折
中環呢間日式便當店走健康路線，想香口啲可以點蒜片香汁牛柳粒，牛柳粒夠鑊氣又帶少少甜香，配野菜加半隻流心蛋同紅米飯，成個配搭好平衡。鍾意香氣型就揀黑松露煎雞扒，雞扒煎得香，黑松露味一出即刻升級。想清爽啲就揀沙律，香辣雞絲沙律同秘制煙鴨胸沙律都好豐富，沙律菜加新鮮水果，再配蕃茄螺絲粉同鷹嘴豆，仲有半隻流心蛋，好味又有滿足感～飲品可試吓紅棗薏米水，清清甜甜幾解膩。
越之廚正宗越式餐廳 (鰂魚涌) 全單75折
味道正宗嘅越南菜，湯粉、撈檬到飯類都有！重點推安格斯牛小排湯河粉，湯底清甜帶牛香，牛小排嫩口唔柴。想食得更開胃就揀烤香茅雞扒撈檬，香茅香氣好出，撈埋酸酸甜甜嘅醬汁好開胃。自家烤豬腩肉配煎蛋飯都好有滿足感，豬腩外層微焦香，配流心煎蛋拌飯超夾。想簡簡單單嘅嚟個法包三文治都唔錯，越南扎肉配法式鵝肝醬、醃菜同秘製蛋黃醬，層次豐富又夠邪惡，當午餐一流。
Yee3 (銅鑼灣) 指定食品75折
主打椰子嘅飲品店，招牌椰子炒冰系列口感特別細滑，食落有啲似雪糕但又更清爽。最穩陣一定係原味椰子炒冰，椰香好純。想多啲層次就揀抹茶椰子炒冰，茶香同椰香幾夾。芒果椰子炒冰就係清甜果香路線，食完好解膩。榴蓮控可以直衝榴蓮椰子炒冰呀！另外亦有供應開心果糯米椰、冰椰荔枝特其他特色飲品，啱晒椰子控！
Bánh Mì Kitchen (中環) 指定食品75折
味道保證、人氣越式法包外賣店，最招牌係越式經典Banh Mi，用兩款由越南入口嘅扎肉做主角，配爽脆醃紅蘿蔔同白蘿蔔、青瓜、蔥同芫荽，咬落層次分明又夠開胃。唔想食包都可以轉米紙卷，素食款用越南香草同米粉做餡，再配秘製醬汁，清新得嚟幾有飽足感；想食香口就試新出嘅炸米紙春卷，配生菜杯同傳統越南蘸醬，外脆內嫩幾上癮。飲品方面一定要試冰越式咖啡，高原咖啡配煉奶香濃夠勁。想清爽啲就點鮮青檸梳打，酸酸甜甜好解膩。
瓜破菓子店 (葵涌) 指定食品75折
圖：葵涌呢間日系小店主打手打讃岐烏冬同沙律，想食暖笠笠可以試「錦 」白醬油烏冬，用白醬油鰹魚湯打底，配九條葱同糖心蛋，仲可以揀博多雞或者鹿兒島豚肉，湯頭清而有鮮味。鍾意更柔和奶香就點「白」豆乳胡麻湯烏冬，豆乳加芝麻香幾順口。想食清爽啲就揀「溜 和」冷烏冬，湯汁冰冰涼涼，夾住糖心蛋同蔥菜好開胃。另外鴨胸沙律都值得一試，慢煮鴨胸配水耕菜同青瓜車厘茄，夠輕盈但飽肚～
2026無論你想食得健康啲、開心啲，定係食飽啲，OpenRice 外賣自取都幫到你！精選外賣自取低至75折！即日起至2026年2月12日，朝早11:00起落單滿$60以優惠碼「NEW26」更可享額外減$10折扣。
仲等？按此立即落單
NEW26：https://www.openrice.com/info/takeaway/tc-NEW26.html
