除咗有每日的幾款午餐外，餐牌上還有很多選擇。
金絲瑤柱福建炒飯（$68）
我們叫了金絲瑤柱福建炒飯，餸料相當豐富，包括瑤柱絲、火腿、蝦仔、雞粒、叉燒和魷魚和菜心粒，份量勁足的食材鋪滿整碟飯。飯底炒得有鑊氣夠晒熱，用上湯埋啲芡汁適中，不會過於濃稠，有質素。
黑松露帶子炒意粉（$78）
見到餐牌上有黑松露帶子炒意粉。其他港式冰室好少出黑松露，見到價錢合理就試吓，意粉的份量適中，黑松露碎撒得不少，帶子鮮甜和彈牙，口感唔錯，加上黃、紅椒、紫洋蔥及白汁意粉，顏色配搭好靚，咸淡調味也剛好，抵食。
煙三文魚凱撒沙律（$58）
煙三文魚的質素相當不錯，每一口都充滿鮮味不過咸，煙三文魚份量多，砌到一朵花咁好靚，凱撒沙律使用了日式芝麻醬，而非傳統西餐的凱撒沙律醬，配上鬆脆的炸多士粒，口感上比一般的凱撒沙律更加鬆化。
奶茶紅豆冰（跟飯加$12）
奶茶香濃，紅豆的口感適中，不至於過於軟爛或太硬、保留了咬感，甜度也控制得適中。
熱鴛鴦（跟飯餐加$8）
這杯熱鴛鴦的咖啡與奶茶比例適中，好平均，茶夠晒熱，喝起來香滑順口，係傳統嘅冰室口味。
總結
**力天冰室**的餐牌多元化，涵蓋中式和西式，中式小菜等以及多款小食，套餐多，適合不同喜好的顧客。裝修環境生動，牆上擺放的小飾物和盆栽增添氛圍，叫顧客搭枱的標語也幽默，展現了地道的港式冰室風格，價位合理，值得一試！
