灣仔春園街有間好貼地，夠晒港味嘅茶餐廳，「牛魔王清湯腩咖喱專門店」。香港其中一樣名物就係「清湯腩」，今日一於做一日遊客！
清湯牛坑腩 🐮
一見就流口水，牛坑腩帶筋帶膏，炆到軟腍但仍有咬口，每啖都滲出濃郁牛香，建議直接升級叫牛坑腩，一定有明顯分別。另外亦要讚一讚牛魔王嘅清湯，唔靠重滷水，湯底入口帶牛骨同蘿蔔甘甜，沒有死鹹亦不會太油。
咖喱魷魚魚蛋 🦑
牛魔王除咗清湯腩，咖喱都係招牌菜。見到餐廳寫引用巴基斯坦咖喱香料，果然非常惹味，誠意十足。港式魷魚做得爽彈、魚蛋咬口煙韌，掛滿自家製咖喱汁，椰香微辣交錯，絕對是港式小食 最佳之一🔝。
鹹牛肉芝士三文治（烘底） 🥪
想不到牛魔王連港式三文治都做得這麼出色，鹹牛肉芝士三文治絕對是港式下午茶名物之一。方包烘微脆，鹹牛肉要夠鹹香開胃，配上溶溶芝士，一定能夠衝擊味蕾，邪惡度爆燈。
凍咖啡、熱檸茶 ☕🍋
茶餐廳咖啡檸茶，不二之選。
其實放假抽一抽離，做一日遊客，行行香港，別有一番體驗。
