身為海鮮迷，一定要試吓超過10次獲選為香港最佳自助餐嘅Hotel ICON The Market buffet！呢間5星級酒店自助餐全新換上「龍蝦阿拉斯加帝王蟹」主題，落重本無限量供應超矝貴嘅鐵板燒法國藍龍蝦，仲有火焰膏蟹、即燒阿拉斯加蟹腳等，仲有多款任食榴槤甜品等住大家，食到回本冇難度～
「龍蝦阿拉斯加帝王蟹」自助晚餐 
自助餐以北大西洋時令龍蝦、環球海鮮入饌
冰鎮海鮮必食加拿大長腳蟹、龍蝦
自助區簡直係海鮮派對盛宴！除咗有多款冰鎮海鮮等住大家外，重點必食火焰鐵板炒藍龍蝦、即燒阿拉斯加蟹腳，睇見都流晒口水呀～餐廳不惜工本用上Fine Dining級數嘅法國藍龍蝦，比一般龍蝦肉質更緊緻彈牙，味道鮮甜。至於阿拉斯加蟹腳係日本直送，鮮味得嚟帶有炙燒風味，未食已聞到香噴噴！
火焰鐵板炒藍龍蝦 (左)｜即燒阿拉斯加蟹腳 (右)
唔好錯過自助晚餐嘅重頭戲 — 大廚即場表演炮製火焰秘製膏蟹！膏蟹以巨型大鑊登場，分量澎湃，加上矚目嘅火焰效果，將全場氣氛炒到最高點～膏蟹隻隻都肉質飽滿，爆膏甘甜，以秘製海鮮薑蔥汁加入羅勒葉燴煮，夠晒惹味。
火焰膏蟹每晚逢7:30pm限定供應
龍蝦身為自助餐主角之一，龍蝦主題菜式有超多選擇，包括酸甜清新嘅龍蝦鮮果沙律、香濃入味嘅龍蝦汁海鮮意粉、龍蝦濃湯、龍蝦沙律配鵪鶉蛋等～特別推介龍蝦蟹膏海鮮粥，足料加入新鮮龍蝦、海鮮同蟹膏熬煮，粥底綿滑鮮甜。
龍蝦汁海鮮意粉(左)｜龍蝦海鮮粥(右)
回本之選必食香煎鴨肝，食落甘香Creamy。食肉獸記得掃埋自助區嘅牛扒、羊架，夠晒厚肉粉嫩～任食熱盤仲有黃金炒蟹/泰式香辣炒海鮮(每日供應其中一款)，熱辣辣而且香口惹味。
黃金炒蟹鹹香惹味
鍾意食魚生嘅朋友可以盡情任食刺身壽司，仲有火炙宮崎和牛壽司都係必試之選～就連三文魚子、飛魚子都係任添任食，鮮味十足！
任添三文魚子(左)｜宮崎和牛壽司(右)
各位榴槤控記得留肚食埋甜品，Hotel ICON自助餐嘅榴槤甜品一向出名，新鮮出爐嘅榴槤麻糬葡撻、D24榴槤芝士撻、榴槤斑蘭卷、榴槤芝士蛋糕等都係任拎任食，散發陣陣榴槤飄香～最驚喜係連GODIVA朱古力雪糕都係任食，甜品控可以無限Encore！
自家製榴槤雪糕(左)｜GODIVA軟雪糕(右)
The Market
地址：尖沙咀科學館道17號唯港薈2樓
官網訂座：(按此)
*自助餐菜式輪流供應
文：Kylie
片：Tom
